Ce portail est maintenant disponible en tant qu’archive uniquement. Merci à tous ceux qui ont contribué à promouvoir le patrimoine culturel de la ville de Salé et du Maroc depuis 2002.

هذه البوابة متاحة الآن كأرشيف فقط. شكرا لجميع الذين ساهموا في تعزيز التراث الثقافي لمدينة سلا والمغرب منذ 2002
Accueil arrow Dossiers arrow Ramadan 2007 arrow المغاربة مهووسون لحد الجنون بالقناة المغربية

 À propos de Selwane.com     Contactez-nous/Envoyer un article
المغاربة مهووسون لحد الجنون بالقناة المغربية Version imprimable Suggérer par mail
Ecrit par يوسف كرمي - هسبريس   

كلما تصفحت جريدة إلا وصادفت نقدا لاذعا لقناتنا ،نقد يشمل جميع البرامج بدون استثناء ،فالاخوة النقاد يشرحون القناة تشريحا مؤلما ويعتبرونها ضعيفة وتافهة ولا تستجيب للدوق المتلقي المغربي ،معللين أسباب هذا الضعف لافتقارنا للكفاءات ، نتيجة الحصار المفروض على القناة من طرف نخبة تعد على رؤوس الأصابع هي المستفيدة الوحيدة من خيراتها.

القاسم المشترك بين القناتين معا هو الضحك على ذقون الشعب، وتبذير المال العام في التفاهات.

 

وللتأكد من صحة هذه المعلومات أو خطأها قررت أن أقوم بتحقيق أجس فيه  نبض المواطن المغربي  بالالتقاء المباشر وأخذ التصريحات من المنبع .

إلى أنني تفاجأت بكون الشارع المغربي له رأي مغاير ومناقض تماما  لما يتداول في الصحف .

بداية التحقيق كانت بأحد روض الأطفال القريب من سكناي،دخلت فوجدت الأطفال يجرون ويلعبون وسط الساحة ...فاقتربت من إحدى الفتيات وكانت البداية :

أشنو سميتك الزوينة ؟

أنا هيبة

شحال فعمرك؟

)تضع أصبعها في فمها( 4 ans

قولي ليا هيبة ،كاتشوفي القناة المغربية ؟

)بعد أن رمقتني بنظرة غاضبة( علاه هذا سؤال ،معلوم تانشوفها

قولي ليا أشنو هما البرامج لي تا يعجبوك؟

كولشي البرامج ....القناة ديالنا واعرة واعرة  بزاف

مزيان وبحالاش هاد البر امج  ؟

تايعجبني حبيبي فهيد ،وحبيبي الجم، وحبيبي سعيد.

شكون حبيبك سعيد؟

)تضع يدها على ذقني( ما عرفتيهش حبيبي سعيد البانضي؟

أه ....مزيان  وعبد الرؤوف تاشتوفيه؟

)تضحك( تايعجبني بزاف ،ماما حتى هية كانت تاتشوفو مني كان عندها )تضع أصبعها في فمها( 4 ans .

وباقي ماماك تاتشوفو؟

علاه ماما bébé   عبد الرؤوف راه غير ديال les bébés

تركتني وانطلقت تجري لتشارك صديقاتها اللعب.

شد انتباهي أحد الأطفال الذي كان جالسا يتذوق قطعة حلوى ،اقتربت منه وبعد أن قبلته سألته

أشنو سميتك ؟

)بلهجة رزينة( أنا سميتي نضال

شحال فعمرك ؟

أراني أصابعه الأربعة،ثم سلمني قطعة الحلوى،فاعتذرت له .

لا أنا صايم

حتى انا صايم .....تنصوم ساعة  وتانكل ساعة

مزيان قول لي تاتعجبك البرامج ديال التلفزيون؟

أه بزاف تانحماق عليهم

أش من برنامج تايعجبك؟

الأشهار ديما ديما الأشهار

تركني وأنطلق يجري وهو يردد بصوت عال

La vache qui ritla vache qui rit

أقتربت من طفل ماسك بيد طفلة ،من النظرة الأولى تبين لي بأنهما توأمين،فسألته.

كيف تايجوك البرامج ديال رمضان؟

شوية.... انا عجبتني السلسلة لي كانت داك العام.

أش من سلسلة ؟

سلسلة للا فاطمة ،كانت غزالة

ما عندي ما يتسالك راك باقي عاقل عليها ؟

عاقل عليها وحافظها ....شوف أنا غادي نمثل ليك بحال سعد الله

)ابتسمت ووضعت يدي على كتفه( يالله دير نشوف

سيداتي وسادتي أنا ومراتي غادي نقدموا ليكم هذا السؤال من  والت ديزني حيت ما نقدروش نقدموه ليكم من الدار البيضاء  ما فيهاش الإنارة مزيانة.

سؤال حلقة رقم 14

شكون لي طلع بيكم ؟، أختاروا الجواب الصحيح بين الأجوبة الثلاثة.

1-واش أنا ؟

2-ولا مراتي؟

3-ولا حنا بزوج؟

بعثوا بالجواب الصحيح على العنوان....

وصول معلمته منعه من متابعة الحوار ،فتركني هو الأخر وانصرف ،نظرت إلى المعلمة بنوع من الاستغراب .

علاش الناس تاتشكا من القنوات ؟،ها هما المواطنين هنايا عاجباهم بزاف.

نظرت إلي المعلمة وهي ترسم على وجهها ابتسامة ساخرة .

أش من قناوات الله يهديك مازال حنايا ماوصلناش المستوى ديال دوك الأفلام لي كانو بالأبيض والكحل.

أش من أفلام ؟

 دوك لي كانو تايتجراو فيهم الممثلين بحال إلى ضاربهم الضوء .

وزعما امتى غادي نوصلو لهذاك المستوى  ؟.

 

تبسمت المعلمة وانصرفت لعملها بعد أن تركتني غارقا في حيرتي .

 

بعد هذا الاستطلاع تزعزعت لدي مصداقية الجرائد ،واتضح لي أننا ولله الحمد نمتلك قناتين لا يسعنا إلا أن نفتخر  بهما وان ننافس بهما القنا وات الأخرى كالسورية والمصرية ،وعلاش لا حتى المريكاني

 
< Précédent   Suivant >

Selwane.TV||Reportages

Participez à la réussite de votre portail! 

Connectez-vous

Les oubliés des élections

Portail dédié au projet d'aménagement de la valée du Bouregreg
© 2003 - 2017 Selwane.com All rights reserved.
ayyoo | Selwane.TV | amwaj | settatbladi.org